Adeste, fideles

Hymnus Nativitatis

Adeste, fideles, laeti triumphantes;

Veníte, veníte in Bethlehem:

Natum videte Regem angelorum.

Venite adoremus, venite adoremus Dominum.

En grege relicto, humiles ad cunas,

Vocati pastores approperant;

Et nos ovanti gradu festinemus.

Venite adoremus, venite adoremus Dominum.

Aeterni Parentis splendorem aeternum,

Velatum sub carne vidébimus;

Deum infantem, pannis involutum.

Venite adoremus, venite adoremus Dominum.

Pro nobis egénum Et foeno cubantem,

Piis foveámus amplexibus;

Sic nos amantem quis non redamáret?

Venite adoremus, venite adoremus Dominum.